【盘房来料】纳指新高科技股最吸睛
美股隔晚先回软，其后收复失地，纳指更再创收市新高，喺科技股带动下，港股一升再升，恒指更一度冲上31300水平。恒指今日高开68点后，曾回落至31161点半日低位，其后又度发力，一度升210点，见半日高位31304点，升至两个多星期高位，中午报收31234点，半日升141点；国指则升38点，半日报收12298点。
蓝筹重磅股个别发展，升幅最显著系昨日急跌5%慨中国旺旺(00151)，今日报复式反弹近一日，为最大升幅蓝筹股。至于连升几日慨腾讯(00700)，今日再下一城，盘中曾高见424.6元，但喺425元极大阻力前回头，除非能重上425元，亦即100日线之上，否则有心理准备，反弹随时止步。既然如此，有喺低位捞货慨，要好好考虑一下减磅。
除咗腾讯做好，中兴(00763)解禁令好事近，瑞声(02018)跟舜宇(02382)半日分别升7%及4.8%，其他手机设备股亦有追捧。不过阿Man就暂时唔追货喇，一恒指低位反弹已超过1400点，目前距离移动上落区间顶部31800点，只有几百点之距，随时有机会调头，宁愿等回吐再吸纳。不过有大行报告指智能手机需求见底回升，系时候吸纳手机设备股。其他科技股受纳指再创新高气氛带动，软件股表现唔错，阿Man较为睇好金山软件(03888)，预期下半年业绩可扭转上半年较弱之势，下半年嚟个大翻身。其他软件股普遍录得2%以上升幅，资金见纳指屡创新高，再唔扫科技股怕执牏。
除咗科技股，友邦(01299)今日表现不俗，反而过去两三日升得唔错慨吉利汽车(00175)跟蒙牛(02319)等逆市回吐，反映资金仍然系板块之间轮动，继续塘水滚塘鱼，暂时未见有新资金流入。但㖊日阿Man都预咗大市可以再上，皆因31000楼上咁多熊证街货，大大块熊掌摆在眼前，大户又点会唔开餐，结果㖊日顺利杀清31000-31200慨熊证，依家最近重货区喺31300至31399点，话多唔多话少唔少，下昼搞掂埋呢堆熊证街货大有可能。至于之前喺沙头角咁远慨29900至30000牛证街货重货区，上面终于见到多番啲近少少慨牛证街货出现，目前喺30500至30700点亦有约相等于千一张期指慨牛证街货，食完熊掌或者转口味，但都要睇呢个位慨街货有否快高长大。
唔少粉丝问阿Man，濠赌股连跌几日，系咪时候可捞货，答案系宁买当头起，莫买当头跌，未知寻底之路完成未，乜事要出嚟硬接飞刀。虽然赌收上月增长逊预期，唔代表呢个状况会持续，而下半年赌收又未必会太差，但暂时走势上未跌定，待喘定后再作打算亦唔迟。
霸王终于能别姬，霸王集团两创办人，即以前系两去婆慨陈启源跟万玉华终就控股公司纠纷达成和解协议，再见不是朋友一见事，相溢唔好口连累小股东，家下终于解咗呢个结，股价半日曾大幅反弹逾四成，半日升27.5%。不过呢霸王经此一役已五劳七伤，兼且上面蟹货层层，短时间股价反弹，唔代表就此翻身。
麦狄文
(徐狄怡‧证监会持牌人)
