【轮证赢家】小心恒指或现大波幅
今朝早返工虽然无落雨，不过我企喺车长隔离睇住佢揸巴士，就可想而知今朝架车有几full。当掟个靓弯就落得车之前，收到台慨WhatsApp：“恒指高开205点，报31464点；腾讯(00700)高开6元，见431元两个月以上高位”，出呢个push时就刚好架巴士紧个靓弯，如果大家收到呢个push慨话，话你知我系拗住我条肥腰send出嚟架！(做online media真系唔易架)
依家9点39分，啱啱返到公司，开电视开电脑兼开埋恒指图，㖊日朝早拣咗只恒指Call(29110)，如果有留意㖊日下半part跟进(29110)慨话，就知道有位入，无肉出，原因就系喺㖊日朝早11点10分至11点45分时，恒指5分钟图SlowSTC(14,3)出现超卖，按照呢段时间(29110)做过最高同最低价($0.09同$0.088)拉个中位数$0.089作为买入价计；至下半场1点10分至1点50分，按一贯策略见5分钟图SlowSTC(14,3)出现超买时走人，但系如果睇返(29110)慨轮价都维持系$0.091呢啲水平，虽则我唔知你买几多，可能你嗰一格半格都可以为你赚到餐茶钱慨，但我都几相信有九成九慨人都系会选择继续持有(讲到底，唔忿气啫)，如是者唔理你揸住唔放又好，下半场想进入又好，建议大家可以保历加通道顶为目标。
今日恒指裂口升205点嘛，开恒指日线图+保历加通道睇，依家9点47分，恒指做紧31448点，最高位亦即系今日慨开市价31464点(系呀，高开低走呀)，而保历加通道顶就31622点；形态上整条保历加通道向都有趋升慨迹象。至于恒指牛熊证街货方面，最贴价慨31300至31399点嗰堆熊证已宣告死亡，呢度有相当于566张期指，变相依家最贴价慨系31400至31499点，呢度有686张期指。继续向上睇慨话，其实最贴价嗰四个100点范围慨熊证街货区，各层都有至少400张期指喺度，其中31600至31699点呢度更加有854张期指，呢个位咪就系㖊日嗌话做目标既保历加通道顶啰。依家9点56分，如果拆恒指5分钟图睇慨话就见SlowSTC(14,3)出现超买，若然你真系喺㖊日11点10分至11点45分时入慨话，按依家(29110)轮价$0.101计，13.5%赚幅即可袋袋平安；唔够咩？恒指Call(29167)，行使价31738点，轻微价外且实际杠杆有约15倍。
打打吓稿，台又传嚟一个message：“一号戒备信号生效，考虑下午二时前改发三号强风信号”不过有识得睇天文风嗰啲天气/气象图慨朋友就其实个风系散紧慨；但系如果系港股慨话，唔排除将会出现一场腥风血雨，腥风血雨呢度指慨就唔系话跌得好甘，想讲慨只系有机会出现一个较大慨波幅，因为恒指波幅指数(VHSI)由上周三(5月30日)慨20.04一直跌到落依家慨19.95，技术上佢就穿咗条保历加通道底，而日线图上见SlowSTC(14,3)进入咗严重超卖慨范围，VHSI一弹就即系代表大市会有一个大浪出现，但倒底上定落？就要睇恒指牛熊证街货图未来慨变化有无啲啲启示啦！
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan
放大图片
