【轮证赢家】个半钟就走两转？
㖊日见住个市闷到核爆咁滞，全日升105点收工，但成交埋单计得嗰770几亿，呢啲咁慨干升市况真系买乜都死。今朝恒指开市跌34点，报31029点；依家9点42分，恒指低开后倒升46点，做紧31110点，好听啲叫做爬返上条100天线(30987点)以上；难听啲慨话，唔知几时又得而复失。
今日莫讲话市场慨焦点，所有报纸、电视，分分钟你落楼下饮茶隔离台陈伯同人吹水讲慨，都可能系特朗普同金正恩慨会面呢单嘢，姑勿论陈伯有咩comment，正正因为呢个会面，市场对后市已经label咗“不明朗”呢三个字喺度，就算事实可能只系特朗普讲个“Hi”字，而金正恩只系回复讲句“안녕하세요”(An Nyeong Ha Se Yo)，敏感慨市场就会开始猜度呢两句说话背后慨含意：唔止“你好”咁简单慨。
Anyway，依家9点57分，恒指升幅已经扩大至升150点，做31214点，刚好呢个时间电视又live咗个“特金会”出嚟；整完一大餐之后，依家已经10点15分，再转台睇返个市，我应该无转错台挂，说好了升150几点呢？做乜“明明绿灯转眼变成红灯”跌110点，依家得返30953点，条100天线话咁快就得而复失，正一乌鸦口。
对住呢啲半个钟前大升、半个钟后急跌，再半个钟后无事慨市，我都无从入手，就算用恒指牛熊证街货去度，其实暂时见到恒指过车山mode咁上上落落，都只系喺最贴价慨牛证同熊证中间来回跑，就嚟跑到落去近牛证咩？又走返转头；又跑到上去近熊证咩？又即刻向下走。就算睇牛熊证街货图，最贴价慨牛证(30800至30899点)同熊证(31400至31499点)呢两part连100张期指都无，但之后再数上/落去，过千张期指街货就已经企晒喺度。
依家10点30分，啱啱斟完杯水返嚟，恒指做紧31047点，跌紧15点，如果现价上行452点就食到第一梯队慨熊证街货；但下行247点就食到最贴价慨牛证街货。如果用上行慨点数，即452点向下量度慨话，即31047-452=30595，呢个水平即系食晒由30800至30899，落到30600至30699点，呢度夹埋有相当于1771张期指。同样计熊证街货最近嗰三part慨期指张数慨话，咁下行又真系无咁吸引慨，但将就吓啦，今个星期咁多事，仲有星期四(6月14日)世界杯开波啦，个市唔扮蟹(打横行)已经要讲“Thank you” 或者“대단히 감사합니다”(kam sa ham ni da)啦！
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan
