【盘房来料】世杯开波市淡静留意新股IPO揾食
虽然花旗联储局放鹰，但美国经济数据反映目前经济状况，可从容面对正在收紧慨货币政策，美股市底强劲，除咗道指跌些少，标指跟纳指再升，后者更再创收市新高。加上欧洲央行议息放鸽，指现时利率至少维持至明年箱夏季，即系明年九月前都未心必加息，欧洲股市做好。欧美股市表现不俗，正常港股有得弹，不过呢港股就跟内地股市走弱而偏淡，加上美元强劲，令港汇又贴近7.85元弱方兑换保证，1个月拆息更连升14日。令本来应可反弹慨港股唔多弹得起。
恒指今早低开29点，表现反反复复，盘中曾反弹至30519点，可惜未能企稳又回落，最多跌109点低见30330点。恒指半日报收30399点，跌40点；国指则跌52点，报收11898点。半日成交额只有451亿元，继续淡静，暂时个市唔上唔落，半日波幅亦有限，就系围绕个开市价走嚟走去，望住个开市价嚟炒，真系做好做淡都玩死。
内地去杠杆一日未搞掂，内银股都系弱弱地，即使有缸湖传闻阿爷随时出手放水救市，阿Man认为都只系缸边友一厢情愿慨谂法。唔系话阿爷唔肯放水，而系放水都只系帮啲银行还债俾人行，而唔系再用嚟救股市，谷经济，千祈咪谂多咗。一日阿爷未完成去杠杆，成功打击“影子银行”，完全将“地下贷款”引导到“官方贷款渠道”，人民银行再放水，只系为保持流动性，同埋改变贷款模式。只要回带睇睇4月份人行降准后，内地股市都只系死猫弹，整个第二季内地股市未见起色，内银股怕且一段时间无运行。
㖊日有研究机构出报告狙击内地体品股，指多只体品股业绩太多水分，龙头安踏(02020)更被狠批仅值10元。今日整个板块插水。不过安踏低一成后，一度倒升，半日则跌3.9%。安踏、特步(01368)及中国动向(03818)均以就告作出抗辩，指报告内容不实及具误导性。都系嗰句，想捞货都过埋呢个长周末先，急又唔急一时。睇多一两日待股价喘定再捞货亦未迟。口痕友话世界杯开波，体品股之前已炒上，家阵有获利盘落车亦正常，唔通等到下个月世界杯踢完落实可能迟咗步。阿Man炒开股慨老友，唔少呢期忙于赌波，令股市静上加静，加埋今日长周末前夕，相信成交买少见少。
加达控股抽得过
市况淡静又系抽新股时间，皆因阿Man又揾到之前奶茶跟咖啡两热炒新股慨上市团队手影。今日开始招股慨加达控股(01620)，以IPO价0.335元至0.425元公开发售3亿股，当中九成股份国际配售，听闻已有唔少基石投资者认头，包括业务可跟加达产生协同效益慨纵横游(08069)。纵横游及加达喺战略发展上有互补优势，基石投资有望为纵横游业务提供海外发展机会，亦可为加达带来拓展香港市场慨机遇。差啲唔记得讲吓，加达控股系一家总部位旅游+IT公司，拥有超过40年的营运历史，主要业务包括提供旅游业务流程管理、机票分销以及设计、开发和销售旅游产品和服务等。不过阿Man睇番加达慨招股资料，最吸精又系上市团队见力高榜上有名做舵手，睇番力高今起一包办上市慨奔驰(01705)珍珠奶茶，同埋捷荣咖啡(02119)，只要抽倒新股都一定赚到笑。无缘抽中IPO未冇有怕，只要上市嗰日睇清楚情况去追货，48小时内一定有糊食。
麦狄文
(徐狄怡‧证监会持牌人)
