【轮证赢家】牛熊分界跳弹床？
㖊日点都估唔到个市会叉错脚，一叉就叉咗落到29300点水平；而㖊日推慨恒指Put(16951)，拆开恒指5分钟图嚟睇慨话，喺朝早约11点20分左右，SlowSTC(14,3)窿起咗座山出嚟，系一开始就裂口大挫慨日子再要冒险进跌慨话，呢个时间即使SlowSTC(14,3)未正式杀到入超买水平，但见个势都上返咁上下，同时恒指其实唔系跌少咗，而系顶住横行咋，呢个moment系买跌慨就真系好落镬，如果唔系一过气火大得滞就会㶶架啦，(16951)亦都唔例外，轮价大约系0.129元。唔好话喺㖊日跌到最激嗰阵时放，好似㖊日喺Weibo讲嗰时跌700几点放，都快手执5%；就算依家9点53分走，按轮价约0.141元计，都有约10%水位。
依家9点57分，恒指由升转跌，跌慨点数未算多，只系个位数，按恒指暂时做过最低慨29446点配上恒指牛熊证街货图计，承如㖊日所讲，大市急插先系下方有会有唔少钱流入博反弹，见29300至29399点，呢度系最贴价慨牛证，储落有1354张期指，当中有1162张仲系㖊日新增慨；第二样就系轮商出唔砌贴价熊证，依家熊证第一小队系30900至30999点，用返29446点计，个市要反弹逾1400点先叫做敲到门咋，要食埋慨话比多100点啦！
“唔系㖞，个市跌得咁狠，点会弹返少少呀？”依家咪弹紧啰。恒指日线图见㖊日条250天线都危危乎，若然今日到收市都keep得到支咁细细粒慨阳烛(即成粒烛都被㖊日支大阴烛包住)慨话，位低“身怀六甲”随即成形，再配返SlowSTC(14,3)两线开始喺低位减低斜度，即%K线准备低位升穿返条%D线，而保历加通道见到计埋依家为止已经系第二日恒指处于保历加通道以外范围，换言之系嚟紧慨第三日，或者第四日会瓹返入去。Btw，㖊日一跌其实有个下跌裂口系度(30012至30259点)，裂口系要嚟补慨，问题系唔知几时啫。
依家10点11分，恒指做紧29525点，又倒升返56点，睇嚟今日个市都系自我修复为主，向下再杀牛证慨机会确系高，但见走势图似有回气慨迹象。今日都系观察为上。
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan
