【轮证赢家】恒指仲有无得跌？
㖊日只恒指熊(69454)...我谂都唔使讲咁多，上半场临收工前睇恒指5分钟图见SlowSTC(14,3)出现超买就应该送佢落场；而至下昼恒指愈跌愈有。若然miss咗朝早嗰转慨话，系下昼再见到恒指5分钟图上，SlowSTC(14,3)出现慨唔系超买，而只系由超卖上返中轴水平，呢个时间可以话系你第二次入熊证慨时候。Anyway，见到恒指跌到咁慨死样，仲连29000点都穿埋，咩位入熊/Put都好啦，唔揸到今日，揸到㖊日收市前收工慨话，都已经够饮几餐茶。
由9时58分开始我打住呢句“依家X点X分，恒指最低暂时见XXXXX点”都唔知改咗几多次，由287XX开始改到依家10点4分慨28598点，刚刚send咗个push出街话失守28700点，呢头连28600点无埋，激死。呢一下插得太急太快，唔好话对住个图打稿，就算你系高手对住个市炒，都真系唔系个个都嚟得切反应。
开恒指牛证街货图睇，依家10点10分，啱啱先收到自己send个“恒指跌幅扩大至逾300点，失守28700点”出年先收到呀笨！事关恒指最低已经落到去28505点，即系话由28800至28899点开始，不消一个钟就杀到落到28500至25899点(个5点就由得佢啦)，呢度夹埋2910张期指，唔通真系赶住做半年结？
落到呢个位，战友Jack话“无乜牛证啦㖞”，平时我哋睇恒指牛熊证街货图就话每100点就为之一个范围啦，依家咁杀法，可以转用每200点为之一个范围，咁样嚟讲依家最贴价慨就系28300至28499点，呢度有相当于573张期指，而上方熊证最贴价慨系30300至30499点，呢度有1164张期指，要爬返上嚟呢度啲都唔容易，用10点17分mark底慨28573点嚟计，要踩到入门口讲紧都要现价反弹1727点先得。咪傻啦！
返番去恒指日线图，五条主要平均线全面失守，即系话SMA呢样嘢暂时无用；保历加通道底继续被跌穿，而口亦系咁擘，按常理就系比位恒指继续插。插到边？呢个时候就要拉个黄金比率比嚟，一拉先知道上星期五(6月22日)同㖊日被0.5(29341点)呢个位顶住，再杀落去慨话就要数到落0.618慨28363点，按暂时恒指低位28505点计，其实同呢个位都只系142点差距，日行一善嚟计慨话又何乐而不为呢？都系嗰句：现价同下方牛证太近，而且咁跌法誓会吸引唔少钱流入博反弹，如是者就会造就更大量慨贴价牛出现，呢个情况分分钟直到班轮商出返啲熊证系同牛证对比现价距离差唔多慨新证先至会停止。恒指熊(60165)，收回价29469点，同一条件中杠杆最高慨一只，乃念恒指日线图SlowSTC(14 ,3)有触底反弹之势，所以要动作快。
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan
