【轮证赢家】恒指28000点危危乎
下半年第一个交易日大家好！见到恒指就一啲都唔好！今朝出门口实在太大雨，完全唔知道电话响过，返到嚟先见到原来台慨同事有嗌过出Push，好彩我同事Marston见到，帮我KO咗，Thank you！
“喂！又话恒指‘七翻身’慨？” Well，睇返上半年最后一个交易日只【轮证赢家】，虽然断臂咗之后为揾返条清晰慨通道，呢几日都无实名推冧把，只系重新凭恒指街货图同走势图去睇返个市系点。上回提要话“开始向住‘下降通道’顶出发”，结果如愿以偿，恒指收报28955点，升成400几点；但基于“下行行少啲又可以食多啲”，最终“系上方‘死亡交叉’醒”过“SlowSTC(14,3)低位反弹”，至少依家10点8分见到恒指跌800几点就系啦。
依家10点10分，恒指做紧28079点，跌875点；用呢粒数度落去恒指牛熊证街货图，下方最贴价慨牛证28100至28199点全数死亡，而呢度有相当于1594张期指，亦系牛证最重街货呢范围；原先系第二梯队慨28000至28099点就变成最贴价牛证街货，同时亦系最重货量，有1104张期指。
如果再杀落去仲有27900至27999点呢560张期指，恒指一下子跌咁多，走势图上今日支大阴烛其实系由“下降通道”顶挞落嚟，仲要挨住条保历加下降通道底(27799点)落。我就当个市真系杀落去，唔理日线图条SlowSTC(14,3)啦，讲紧都系食到落27800至27899点，呢度就有658张期指坐镇，你估今日咁插法，有无钱流入贴价牛博反弹，从而进一步储肥啲近牛？
点解咁讲？因为上方慨熊证最贴价都讲话29200至29299点，呢度有516张期指，同现价比……计数机都费事拎出嚟用，心算都计到有成千点慨距离。还记得恒指现价侧埋一边慨时候，就会倾向继续侧落去吗？唔记得？上个月条“下降通道”咪咁嚟架啰。当然，“下降通道”里面唔会清一色阴烛慨，由6月7月起计，至依家条“下降通道”里面都有七支阳烛存在。
“个市几时见肯弹呀？”如果上方慨熊证keep住同现价隔咗成条地铁线慨距离慨话，系无得拣慨情况之下就唯有继续向下杀；又或者当你见到恒指挨返落去“下降通道”底慨时候，可能就系准备出现第八支阳烛。
睇恒指5分钟图见到个市今日裂口跌完之后依家炒紧底上紧去，就等佢炒完个底上返去先至小注恒指Put(11534)，行使价27258点，高杠杆、低引伸兼敏感度高。
中学同学WhatsApp group有人举手留名等穿28000点，放低1蚊跟机先。
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan#
