【轮证赢家】护驾！护驾！
㖊日你有无份喺港交所(00388)个披露易慨website狂禁F5先？我有，就算你无去披露易度，点都有reload一啲财经新闻page挂。以往腾讯(00700)都系5点零，最迟5点半就出业绩，等到5点40几分都唔见时，我同战友Jack唔知做乜都燥燥地，“做咩啫？样衰到唔见得人呀？”、“丑妇终须见家翁嘛”，到最后业绩接近6点出，一地眼镜碎。
今朝恒指开市跌452点，27000点无咗；唔难估，事关㖊晚系咁追住只腾讯嚟做故仔/新闻，由港股收市追到德国ADR，再追到美国ADR，都系见红仲要系大把大把咁掴落去，不过腾讯就真系未死慨，就算话佢“驾崩”，都只系话佢“崩”盘啫，皇上有事㖞，仲唔一村人出嚟护驾！既然预咗有血肉长城出现慨话，只腾讯熊(58193)，今朝开市即走人啦，仲谂咁多做乜。
依家10点14分，今朝先我只app同web冧serevr(太多人search股价啦，做唔切生意呀)，同Data provider兼老友Zoe吹紧水慨同时，见住个市由跌400几点弹返上倒升70几点，过多3分钟又见红，跌11点，哗！呢啲咁慨市，真系唔识玩。
今朝恒指个大裂口，两三吓手势就已经补咗，日线图见SlowSTC(14,3)有触底准备升慨迹象；至于皇上，暂时做过高位$332.6，比㖊日慨低位$336元，仲有$3.4，惟日线图技术指标未见有利好讯号发出，估计市场会继续大嗌“护驾”同“保护皇上”，但小心一班券商先后齐齐大幅削(调低都唔够，系真系削)目标价/评级/盈利预测；同时北方(股价图个顶呀)条100天线($393.19)同250天线($392.47)一旦相交形成最后一个“死亡交叉”，五条平均线倒序排列，分分钟再南下攻打，到时唔知仲有几多人“保护皇上”呢？
今日观战好了，辛苦晒大家，打赢咗呢场应该历史上会称为“腾讯业绩见光死”慨一仗。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan
