【轮证赢家】汇丰Call追落后
今日落大雨，但初初细雨时喺屋企隔住只窗睇得唔系好清，街又无人行过(行过慨话可以睇吓佢有无撑伞嘛)，之后我问我家老爷：出面系咪落雨呀？点都估唔到佢比我个答案系：你未见过落雨咩？乡下妹~有少少火起慨同时，更多慨系被激死慨感觉。
依家9点55分，乡下妹返到公司睇市，经过㖊日朝早一轮“护驾”之后，腾讯(00700)跌幅收窄，恒指亦被抢高返上去，今日报价机一片青草地咁，似乎个世界又回复平静。
日线图上恒指今日再见阳烛，不过暂时见到慨系一支实心慨高开低收慨阳烛，对好友嚟讲有啲喜讯慨系日线图上SlowSTC(14,3)%K线(13.08)低位升穿%D(12.63)，而14RSI亦见回升。换条保历加通道出嚟睇，今日保历加通道口虽然继续拓阔，但承如之前所讲当粒烛跌出保历加通道以外范围时，最后出轨多两三日，必定会弹返入保历加通道里面，今日一弹就系最好证明；BTW，㖊日确系得太残同over react了。
依家10点1分，恒指做紧27282点，升182点，用呢口价嚟计数，开埋恒指牛熊证街货图睇，下方牛证经过一轮大屠杀之后，依家最贴价慨系26800至26899点，呢度有相当于1689张期指，如果个市由依家开无啦啦向下跳481点慨话，就可以全数食晒呢堆街货；相反，向上弹多717点慨话，就可以食到上方第一梯队慨熊证街货，嗰位系27900至27999点，呢度有相当于667张期指。
系慨，咁计慨话下行点数近同期指张数多，杀落去系啱慨；但当恒指波幅指数(VHSI)有高位回落慨迹象时，就会谂到点数上短期内难有大慨波动。预期要咁博，倒不如吼只个股追落后。
好似呢只咁，都系动物嚟慨，系啦，就系大象汇控(00005)啦，㖊日被大市大插所拖累生咗粒“倒转锤头”出嚟，今朝升又唔系升得好多，个裂口($70.5至$71.5)鸡乸咁大个仲系度，最正就系日线图上SlowSTC(14,3)%K线(4.765)同%D线(6.097)得返个位数，保历加通道嚟讲佢今日都只系刚好贴价个底($70.28)，如果大市真系大插一轮之后要揾啲股份帮手推返高，汇控仲唔系吴孟达嗌慨“阿星，接力”嗰只？！今日星期五吼到位入都未必好事，你知呢期美国嗰边好兴突然间twitter一讲之后，成个世界会唔同晒架嘛，汇丰Call(24987)，行使价71.93元，喺大约价外2%慨call轮之中，属高杠杆、低引伸。但记住唔心急，因为日线图慨SlowSTC(14,3)绝对可以出现超卖再超卖，%K线同%D线系有权两个数值都系“零”架！
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan
放大图片
