【轮证赢家】友邦钟摆完美演绎
㖊日喺下半part时睇返只汇丰控股(00005)，见个市上返去时，汇控个股价都上返“7”字头，汇丰Call(24987)亦可随时落镬；只不过系下昼时段拆汇控5分钟慨话，见住啲技术指标上晒去咁，确系揾唔到个位落场。
唔紧要，“唔系你财，唔入你袋”嘛，所以㖊日亦都喺下半part点名讲将会喺今个星期五(8月24日)公布业绩慨友邦保险(01299)。㖊日下昼3点40分友邦5分钟图SlowSTC(14,3)见到严重超卖，呢个时候就系入Call/牛证慨好时机，今日趁开市无耐恒指高开市，友邦曾升逾2%，呢个时候(大约系今朝早9点45至50分呢段时间)见5分钟图SlowSTC(14,3)由㖊日慨严重超卖弹到上当时慨严重超买，完美演绎咗一次钟摆。
依家10点5分，大市由升转跌，友邦升幅亦都收窄咗，拆开5分钟图见到友邦回落到现水平只为中轴位置，若大市再继续下行慨话，话唔定友邦分钟图再现多次严重超卖，到时又可以再入多次Call/牛证。
睇返个市，依家10点9分，恒指做紧27580点，跌17点，开恒指牛熊证街货图，上方熊证最贴慨喺27800至27899点，现价反弹319点就可以食到呢度嗰301张期指；下方最贴价牛证26800至26899点，现价继续下行多780点就可以食到呢2034张期指。又系一个两难局面：上方点数少但期指都少；下方期指多但点数好很远。唔通暗示我知都系继续喺个股揾食？
呢期应该有唔少人讨论只中国移动(00941)，“蓝灯笼”连升五日后，今日终见一支大阴烛，日线图见SlowSTC(14,3)%K线高位插穿%D线，而14RSI由㖊日高见72.2落到依家(10点15分)慨63.09，好系一个Put样，只可惜中移Put/熊市场上选择有限，中移Put(25425)，行使价$68.68，属高杠杆、低引伸之选。
本来仲想讲埋只舜宇光学(02382)，但一揾之下啲Call轮都真系怪怪地。炒轮慨好多时都会遇到呢啲情况：就算睇中市但都未必有合适慨工具比你落场。Well，舜宇被份中期业绩一个大裂口打落去之后，低残过后始有翻身之日，而佢就系开始有呢个迹象啦。
BTW，听日同我婆婆去睇医生，AL一日，【轮证赢家】亦停稿一日，抱歉。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan#
