【轮证赢家】唞一唞准备Q4
真系唔贪心慨话，㖊日只恒指牛(59410)喺10点50分见到SlowSTC(14,3)%K线出现单位数，过多5分钟连%D线都单位数字，至朝早11点15分，恒指升幅放宽少少之后，%K线重上双位数字水平，就用呢段时间睇(59410)慨高位证价($0.063/$0.059)平均数$0.061作为买入价计，喺早11点25分时恒指忽然抽升，(59410)最高见过$0.067，数格仔得六格食，不过计落都有9.8%水位赚，若然你唔小注(大小注自己衡量啦)，接近一成赚幅应该都可以满足，又有觉好瞓，几好。
话说㖊日同事WingYi叫我带屋企部量血压机返公司比佢度吓，年纪大记性差，明明放咗喺台面都唔记得拎，返到公司见到佢我先醒起，为免老人痴呆得太紧要，索性mark喺calendar度；mark完之后再开恒指走势图睇，依家9点53分，恒指做紧28293点，日线图见今日恒指稍为回落，不过SlowSTC(14,3)就继续向上，未见有回落迹象。
再睇埋恒指牛熊证街货图，上方熊证最贴价就系28500至28599点，呢度得109张期指，而重货区就系28800至28899点，呢度有相当于1298张期指，同现价比就相差306点，而呢个位置亦相当于杀到上保历加通道顶(28705点)多大约100点慨范围。坦白讲，假设条保历加通道水平不变，弹返上去保历加通道顶慨话，即系杀咗28500至28599点+28600至28699点呢两个100点慨熊证范围，而呢度夹埋有相当于601张期指，量唔算多，但对于听日(30日)就期结嚟讲，都系货呀。甚至乎安安稳稳过埋呢几日，至9月时，又即系正式踩入Q4时再攞刀斩过都唔迟。
至于下方牛证，最贴价都讲紧喺27700至27799点，同现价比个距离仲远，就算个市唔向上杀近货，无重大理由都唔似无啦啦向下冲一大段路都仲未见条村。今天不如观战吧！
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan#
