【轮证赢家】平保Put执两成几收工
㖊日朝早捉咗只中国平安(02318)熊证(64167)出嚟，拆开恒指5分钟图见今朝由开市开始至到10点半到，平保SlowSTC(14,3)都keep住系超买水平，呢段时间又可以将(64167)送落场，留意返，小注好啦；不消一个朝早，喺11点半到已经见平保5分钟图慨SlowSTC(14,3)由超买回落到超卖水平，而keep住去到下半场开场后约20分钟添。
按朝早段时间(64167)慨高低位($0.067/$0.057)拉个平均数$0.062作为买入价计，对比期后SlowSTC(14,3)超卖时段慨高低位($0.061/$0.063)拉个平均数$0.062，刚好打个和，既然系咁㖊日就梗系可以安安落落同我亲爱慨data provider Zoe兼佢位饭脚Iris食返个靓饭啦。
下昼再睇返平保日线图，“十字星”仍然健在，至于其他要超买/严重超买慨技术指标，都仲继续超买/严重超买慨，大体上无变慨情况之下，可以揸过夜；㖊晚收到台send过嚟慨message：“阿根廷央行加息至60厘，阿根廷披索急跌11%”，哗！心谂：恒指今铺仲唔死！
到今朝返工坐巴士时，收到轮商朋友wahstapp一条新闻，内容就系讲国家新闻出版署将对网络游戏实施总量调控，腾讯(00700)急跌5%，$340今朝一度失守，连带恒指都低开365点，28000点失守；依家9点46分，腾讯爬返上$340楼上，但同业网龙(00777)、金山软件(03888)跌7%至8%；咁平保呢？9点48分时做紧$74.8，跌1.9%，而(64167)就做紧$0.076，对比起买入价$0.062，赚幅有22.6%；今次系第二次冷吼平保Put，终于都成功。
依家9点50分，恒指做紧27746点，跌417点，日线图见恒指由原先处于保历加上升通道，跌穿保历加通道中轴(即20天线，27922点)，回返落去保历加下降通道里面，SlowSTC(14,3)%K线明显高位下穿%D线，连比较少讲慨9MOM，都完成咗一座山。再睇埋恒指牛熊证街货，以头先mark底慨27746点计即系话大市向下劲冲落牛证街货之余，仲杀咗 27900至27999点，同埋27800至27899点，呢两度夹埋有588张期指，一啲都唔多。但如果按目前见牛证重货，就系大市已经踩入咗慨范围，亦即系27700至27799点，呢度有相当于755张期指，会唔会杀埋？点解唔会，只不过可能唔系今日，因为今日系8月31日，留返下个星期9月3日开学日时再重食过都唔迟。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan
