【轮证赢家】恒指沿“下降通道”下行中
话说我慨战友Jack终于都同佢太太去完日本旅行返嚟，佢帮我同另一个同事买咗个小玩意，电器白痴慨我以为一拆盒就坏，开始灰到叠埋心水10月过日本时拎埋去换，谁不知无啦啦佢又识得叉电着灯㖞，呢单嘢我家老爷完全目击晒，佢话：贯切你慨性格：无耐性。
Well，耐性呢啲嘢就睇吓对住啲咩先得慨，好似㖊日只恒指熊(59842)咁，㖊日计完数当以$0.064作为买入价，下昼见个市都无乜反应，日线图上见恒指个势仲有继续向下慨迹象，咁就梗系对(59842)有多少少耐性啦，揸过夜到今朝早，恒指开市报27619点，跌93点，都叫做有个小型裂口出现过；而开市后无几耐就穿咗27600点，见到呢啲个样作势急跌慨情况，都真系唔理啲分钟图住，直接跳去睇(59842)证价做紧乜好过，一睇就见佢最高做过0.076元，去到9点40分，即恒指仲见27600点楼下水平时，5分钟图见(59842)最高见0.074元。就用开市头嗰10分(59842)慨高低($0.076/$0.067)慨平均数$0.0715作为卖出价，计落赚幅都有15.3%。
依家10点9分，恒指上演咗一幕瞬间补裂口之余，依家仲见到5分钟图上一支大阳烛系咁队一去，只系同步SlowSTC(14,3)已经顶无可顶，不过若然个市系都要抢返上去慨话，最多都只会比SlowSTC(14,3)唞一唞，然后再上过。日线图方面，虽然恒指个势顶得好劲，不过都仲未上返去嗰五条平均线慨是但一条；最正慨系喺日线图上出现咗一条比较阔慨“下降通道”，又唔系话难搞慨，即系个市未来有机会都喺呢条“下降通道”游走咁解啫，问题在于由通道慨一边去另一边，行慨过程唔会系纯上(阳烛)或纯落(阴烛)架嘛，即系可能睇啱咗方向，但因为中间慨过程系可能会“崎岖”少少，咁大家就要比多少少耐性，或者以轮代证，免得被人打靶。恒指Put(26085)，行使价27100点，2019年1月30日到期，属中期轮，实际杠杆约10倍，低街货、成交活跃亦系卖点之一。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan#
