【轮证赢家】正反手都要同时间竞赛
依家10点5分，刚啱先返到公司，事关本身搭开嗰班巴士唔知做乜坐满人，佢飞站；结果我要等多半个钟先至有第二架巴士；返到嚟见到一堆crew喺我隔离set紧嘢，呀！上个星期讲咗话有人上嚟拍MV，今朝返嚟先知原来系...(好钟意带cap帽嗰个呢...)。
Anyway，佢拍就由得佢拍，佢阻住我或者我阻住佢，我都已经预可能会返屋企home office，最紧要慨都系睇返个市先。上个星期五恒指熊(61015)，讲到明最好以Day Trade慨策略去处理，睇返恒指5分钟图，上星期五下昼2点45分同3点25分呢两个位见SlowSTC(14,3)出现“双顶”，呢个时间就最好送(61015)落场，而呢两个位证价做紧$0.114/$0.117水平，拉个平均数即系$0.1155作为买入价，好彩尾市时都见个市向下行返，去到最后4点钟收市前5分钟嚟讲，证价高低位拉个平均数都只系得$0.14，点都输$0.0245。若然无做day trade，认为个市之后都系向下行慨机会系高慨话，揸到今日，依家10点29分，恒指做紧26601点，跌373点，你想几时走只熊仔都得啦。
又睇返今日个市，明明本身开市时跌50零点，好地地又无啦啦依家倒跌300几400，按恒指最低做过慨26562点计，最贴价牛证26600至26699点呢度嗰1024张期指全数死亡，而26500至26599点呢度就有接近一半慨街货死亡；而更正慨系26400至26499点呢度有837张期指，暂时计呢度已系牛证慨第一重街货。
向上望熊证，最贴价都系27800至27899点，同现价(10点49分慨26677点)比，要个市拗腰向上弹1123点先至可以爬上到第一个check point，对依家个弱势市嚟讲确实有啲难度；而且呢个位只有172张期指，要向上数多两层，即28000至28099点先至有1193张期指叫做“见得吓人”。
咁样计就梗系话下行吸引力高啦，但要留心一样嘢就系计埋今日恒指已经连续三个交易日个低插穿过保历加通道底部，而日线图上SlowSTC(14,3)慨%K线(8.62)同%D(11.13)都已经开始踩入超卖范围，同步14RSI都见33.49，“中期下降轨”虽然仍在，但“短期下降轨”会唔会有暂时要唞一唞慨迹象呢？如是，无论你系好友定淡友，最紧要快手做trade，免得顺势赶唔切同个市一齐转势。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan#
