【轮证赢家】恒指熊且战且走
唔知大家仲有无望吓大台啲电视剧，㖊晚我有呀，传说中经典剧集慨“再”版第一集嘛，故事一开始个背景就系2008年次按爆之前慨时候，令我谂返起以前喺杂志做投资版慨日子；不过最正慨系林文龙一句(大约啦)：最叻慨唔系你有几高超技巧或者好运赢好多，而系你识得去防去守。真系架，从来券商/fundman都系努力做好risk management慨工作；从来我哋老散都系唔应该太博；从来【轮证赢家】宁愿安全地赚餐茶都唔会刺激地揾桶金。
基于“安全地赚餐茶”，㖊日确系无明确地推介牛定熊，事关恒指已经连续三个交易日个底插穿过保历加通道底部，而日线图上SlowSTC(14,3)慨%K线同%D都已经开始踩入超卖范围，估计恒指急跌完一轮都要回一回气。当然啦，下半场恒指失心疯咁跌500点，我明白呢一下系会责怪自己“死蠢”，点解唔顺住个势食多次熊仔/Put先收手呢？呢吓刀仔拮大脾慨心情我明白，因为我㖊日都系咁；但更重要慨系真系见到恒指有跌定慨迹象，所以先至唔敢博。今日恒指微跌2点开市；依家10点13分，恒指做紧26573点，跌40点，日线图呈“十字星”，保历加通道口拓阔比返恒指走返入条通里面，SlowSTC(14,3)慨%K同%D两线仍然处于超卖水平，但系两线慨差距收窄，技术上，真系有准备喘定慨情况。
不过，行都要交数，大鳄都要开饭，可能呢个比技术指标嚟得更实际。睇恒指牛熊证街货图，见到最贴价慨系26400至26499点，呢度有相当于799张期指，同现价(10点18分mark底慨26551点)，两者相差151点；若然比多100点慨话，即26300至26399点，呢度就有912张期指。至于上方最贴价慨熊证就系27600至27699点，呢度有相当于541张期指，但同现价就有成千点慨差距，讲真，话就话个市有喘定慨迹象啫，但如果个市喘定慨目的系引更多慨街货流入贴价牛，再从而由一个咁近慨位置乘保历加通道口拓阔向下杀肥牛呢？故仔似系咁发展，如果市场继续用中美贸易前景不稳定，影响跨国企业前景慨借口嚟推低个市慨话。
恒指熊(62033)，收回价27738点，同现价有逾千点差距，安全且成交活跃；乘住向下行慨大方向中小心技术性反弹慨出现，且战且走，速度上取紧要快。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan#
