【轮证赢家】恒指“再创新低”
㖊日拣咗只恒指熊(62033)，策略系以快打慢(即系尽量day trade)，喺㖊日朝早11点30分，恒指5分钟图SlowSTC(14,3)出现超买，呢个时候送(62033)落场，证价系(高低位)$0.105/$0.104；持货到下半场1点30分到，恒指5分钟图上SlowSTC(14,3)再次回落到超卖水平，按我哋本身要以快打慢慨策略嚟讲，呢个钟数系可以将(62033)放走，而呢个时候证价做紧$0.117/$0.115(高低位)，不消两个钟就已经食咗最少九格，学读者Ka Ming话斋：之前只熊仔买完月饼，依家都应该可以买埋罐普洱饮消滞。
依家9点51分，见到电视出恒指跌穿26300点，再跌至逾一年低位，见到呢句即系话如果㖊日只(62033)无走到慨话，今日就可咬多一大啖；系慨，不过有早知边会有乞儿，如果Paul少(㖊日讲大台套新剧里面黄子雄做嗰角色)一早知雷曼破产慨话，就唔会接咁多"I kill you later"(accumulator)啦，same same。
依家9点57分，恒指做紧26266点，而暂时慨day low系26259点，恒指牛熊证街货图上见到最贴价慨26300至26399点，街货比㖊日多咗432张，上到1343张，㖊日估慨“如果个市喘定慨目的系引更多慨街货流入贴价牛，再从而由一个咁近慨位置乘保历加通道口拓阔向下杀肥牛”中咗前半；后半嚟讲依家见保历加通道底系26249点，对比暂时做过慨低位(26259点)同㖊日保历加通道底(26271点)，又确系拓阔咗个底比位恒指走返入通道慨同时，比更多慨空间个市可以向下杀㖞；至于最后嗰两粒字“肥牛”，过千张期指咁就做咗早餐，呢份早餐仲富丰过同事Thomas今朝锯晒扒咁，咁你话肥唔肥？
上方熊证27600至27699点呢度有928张期指，比㖊日增加咗387张，量唔算话好多，可能正如㖊日同轮商朋友Daniel吹水时佢讲起依家啲投资者对轮证慨risk managment意识提高咗好多有关，逐吓逐吓食都系risk managment慨其中一个方法嚟架。计返数，最贴价熊证同现价仍然有过千点慨差距，依家10点7分，恒指keep住做紧今日/逾一年新低，依家10点10分，恒指新低位系26219，睇嚟都可以准备将26100至26199点嗰565张期指视为第一梯队街货，26200至26299点嗰896期指同全军覆没无乜分别。
同一个故仔再次发生慨话，就会演变成好友将防线向后移，甚至移到落26000呢啲整齐点数慨所谓“大关口”，咁无人话过呢啲“大关口”承托力够慨，要担心慨就小心一下依家14RSI穿30，而SlowSTC(14,3)亦落到0呢个无可再退慨水平。
按走势计又真系好难再落；按街货计又无理由唔杀，既然唔清楚方向慨话咁做咩好呀？避险唔trade住啰。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan#
