【轮证赢家】恒指牛博杀27600点重货
C9㖊晚无睇大台套剧，因为同一位轮商朋友Arthur走去食大排档，“乜呢啲唔系会去啲好high慨地方架咩？”发癫！我揸筷子叻过刀叉多多声，钟意食炒蚬多过食田螺，更何况对我嚟讲，饭脚系重要过餐饭架， OK？不过我要weekend睇返㖊晚嗰集啰。
㖊日下昼写《下半part》时恒指升500几点，到最后收市升逾600点，重上27000点楼上，系无做过任何重作呀，事关睇日线图见恒指仍处于“中期下降通道”里面，呢一弹恐怕系一下子慨技术性反弹，所以暂时就唔出手住。但今日(截至10点21分止)恒指再升逾200点，重返10天线(27052点)之上，而14RSI由超卖回升返至中轴水平，SlowSTC(14,3)亦完成“圆底”爬返上去，再加上如果视㖊日恒指系触“中期下降通道”底部回升，日线图似视话你知系可以向上炒起。
㖊日喺《下半part》画咗个Fibonnacci出嚟，一画之下就发现条“中期下降通道”底刚好又系0.382慨26315点水平，至于0.5就系27683点水平，而呢个位系未到“中期下降通道”顶慨。假设大市沿住呢个“中期下降通道”行慨话，大方向就会变成系下行，之后但实际路线图上嚟讲，大家都知道就市升/跌，都唔会系全阳/阴烛走架嘛。今次一弹会唔会系由“中期下降通道”慨底弹到上“中期下降通道”慨顶呢？
再睇埋恒指牛熊证街货图，依家10点25分，恒指最高做过27318点，即系话依家最贴价嗰三part熊证街货全数死亡，而呢三part加埋就等于1195张期指。再上慨话，最吸睛都系要上到27600至27699点，呢度有相当于1042张期指。如果上述所推论慨大市有望弹返上“中期下降通道”先至落慨话，咁即系呢过千张期指都会冻过水，恒指牛(63614)，收回价26200点，同现价有过千点差距，成交活跃低街货；至于㖊日都有提过话逢高沽货，呢个系手持大量正股慨策略啫，同轮证系两个世界，所以先至会建议咁做(大方向真系下向行慨话，弹高仲唔减磅)。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan#
