【轮证赢家】山竹吹完香港吹港股？
㖊日我同我家老爷两个全日都喺屋企，望住屋企对面个油站，啲铁板系咁吹晒出嚟，几惊佢一个唔该向上吹就啪中我只大窗(就算我已经用咗五卷胶纸都系咁话啦)；但突然间听到“砰”一声，无理老爷慨口头劝吁八挂开门出去睇，原来同层走廊尽头慨一只玻璃窗爆咗，于是打电话叫管理员上嚟，佢哋都好快手钉住块木板顶住先。
山竹慨威力真系好强，唔知系咪吹完香港之后，嗰后续留咗喺港股。依家10点18分，我总算平安返到公司，同行家兼同学仔Milk互相报完个“公司平安”之后，个市最多跌逾500点，最低见26784点，个借口就系话贸易战可能升级。
原来谂住佢好地地继续向上杀27600至27699点嗰堆重货，谁不知今日一插，以暂时见过慨低位26784点计，26900至26999点嗰342张期指，同26800至26899点嗰199张期指，就好似塌树咁冧晒，呢度夹埋冧咗541张期指；而下方牛证最重慨街货，就喺26200至26299点，呢度有1021张期指。
返番去睇恒指日线图，依家10点33分，恒指今日开市同暂时高位都一度抓紧10天线(26969点)，咁依家当然无啦；换条保历加通道出嚟睇，事实恒指由8月31日到今都系处于保历加下降通道。假设大市弱势未改，而目前按保历加下降通道(27482至26218点)作上落慨话，咁现水平恒指又处于保历加下降通道慨中间位㖞，确系尴尬架。
依家10点42分，恒指现价做26855点，用呢口价去计同牛熊两边重货区差距慨话，上方熊证重货就系27600至27699点，呢度同现价差844点；下方熊证重货区26200至26299点就同现价差655点，两边都系咁远；再望埋恒指波幅指数，今日粒数就弹起少少，但原来上周四(9月13日)做过一个下跌裂口出嚟，虽则惯常睇慨SlowSTC(14,3)仍然发出看淡讯号，不过见MOM(9)同14RSI都有吹好风慨迹象，会唔会就趁“贸易战可能升级”吹多一下，令个市再向上/下chok出一个大点数，同时又可以令到条波幅指数补裂口呢？
恒指熊(62584)，收回价27538点，同区附近收回价嚟讲杠杆最高，只系街货嫌多咗啲(我明，咁即系受欢迎嘛)；拣熊慨原因系见大市下行慨点数始终少过上行，而期指张数又可以食多啲，况且沿途都有唔少货可以“扫街”咁扫；仍以吼5分钟图见超买见落场。BTW我见恒指5分钟图由今朝10点10分开始，SlowSTC(14,3)由%K线同%D线慨个位数字，回升到依家(10点54分)慨双位数仲见“2”字头，但恒指个走势仲系一条横线，假设继续咁落去，唔知到SlowSTC(14,3)超买回落时，恒指仍然都系一条死鱼咁，还是跟落呢？
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan
