【轮证赢家】继续追杀重货牛
今朝坐巴士时闷闷地开个forum出嚟碌，睇睇吓见到有三个bro无啦啦Quit咗份工走去整咗只app出嚟(系财经app嚟慨)，咁当然新铺开张就梗系有一串连慨bug出现啦，喺fb同佢哋闲谈一论之后，可能佢哋都挂住救亡中，anyway，真心加油，因为你哋系做紧一只新app去企图改变user 1X年慨习惯。
依家10点正，同得人吹水就梗系坐定定喺公司度啦。上回讲到㖊日只恒指牛(65682)买入价系$0.11，就算㖊日下半场见到5分钟图上慨SlowSTC(14,3)出现超买，但可惜只牛就企喺度郁都唔郁，结果焗揸过夜(又唔系话唔想慨，之不过你都知我份人耐性欠奉，人家说三分钟热度，我被我老爷话我得一分钟热度咋)，但今朝再次裂口开市，恒指开市报27605点，咦？咁咪即系㖊日睇中慨重货区27600至27699点？跟住开睇条5分钟恒指图， 见到SlowSTC(14,3)又超买㖞，所以就熄app去睇forum啦；去到依家10点10分，终于都见到恒指5分钟图出超买，而(65682)证价同今朝早开市水平差不多，用10点10分(65682)高低位($0.118/$0.115)拉个平均数$0.1165计，平均赚幅约6%，唔贪心慨大原则之下，可以收网。
开恒指牛熊证街货图，其实㖊日都见到有人话追贴价熊，应该就博个市上唔返20天线(27413点)慨，谁不知今朝早一开市就杀晒熊证最贴价慨27500至27599点，而呢度有943张期指；再上多100点，即系27600至27699点呢度，就有成1021张期指，依家10点22分，恒指最高暂时做过27628点，计埋依家恒指虽则三连升，兼且仲要升穿埋条“中期下降通道”；面对住咁重慨熊证街货，有乜可能会放过佢哋？反正乜都队穿晒，继续看好慨就上望埋条50天线(27843点)添。
进取慨，吼恒指牛(66205)，收回价27014点，同现价有逾500点差距，全场最贴兼最高杠杆；稳健慨拣恒指牛(66126)，收回价26758点，同现价有逾800点差距。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan#
