【轮证赢家】恒指牛睇20天线
哎呀！好彩㖊日无做到任何嘢啫，如果唔系只恒指熊(62584)又被人挟死！话说㖊日下昼2点13分，食饱饱返到公司一阵，见到恒指倒升；再过多7分钟，恒指做27065点，升132点，5分钟图上SlowSTC(14,3)严重超买。
虽说呢啲时间系将(62584)送落场慨好时机，但谂深一层，恒指上返27XXX点，即系话由近牛区变咗近熊区啦，一开恒指牛熊证街货图睇，就见到恒指已经杀咗熊证最贴价街货27000至27099点，呢度有相当于111张期指。再睇多次个图，最贴价慨牛同熊证区都同月同日死，直情系“左一巴、右一巴”，即系暗示“一动不如一静”好过。
㖊晚收到WhatsApp话：“中国对600亿美元美国货品征收5%至10%关税，下周一起生效”，心谂：又打贸易战？唔通个市又落过去？不过中美两家人今次公布新一轮关税都未去到最绝地嗰只，好坏参半，都系等个市决定啦。
而今朝喺屋企睇新闻见到日经升逾300点，隔晚美股又造好，即系话市场认为新一轮慨关税都未有太大威胁，所以今朝恒指开升85点，依家10点18分，恒指升幅进一步扩大至逾200点，做紧27308点，日线图上恒指又扑紧上20天线/保历加通道中轴(27419点)。
开埋恒指街货图睇，以暂时最高做过27342点计，恒指今朝先将27100至27199点，同埋27200至27299点呢两part慨街货，合共220张期指做咗早餐；至于27300至27399点呢度，就有891张期指，只系属于第二重货区，但胜在近(根本就已经喺呢个范围入面)，而如果大市再食咗呢一part慨街货，即表代个市已有冲上20天线或上，27400至27499点嗰514张期指都可能冻过水。
“咁会唔会继续向上升，队埋上去今日见到慨终极重货27600至27699点嗰1172张期指？”做人慨嘢又真系唔好贪心住，再望多次个日线图啦。之前画过恒指做紧个“中期下降道通”出嚟，其实依家呢条通道未走样，而大市仍然处于“中期下降道通”里面，不过见到“中期下降道通”慨顶(大约喺275XX点呢个位)同条20天线/保历加通道中轴相差100点到，即系估如果个市有力chok到上呢个位，再比多100点佢顶埋个“中期下降道通”慨顶，之后就真系要再睇吓后市有无啲咩借口/理由/原因/诱因升穿啦。
恒指牛(65682)，收回价26237点，同现价有逾1000点差距，小注吼5分钟图见超卖落场。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan#
