【轮证赢家】翻啅恒指熊
㖊日拣出嚟慨恒指熊(62584)，喺下昼1点10分见恒指SlowSTC(14,3)上到严重超买水平时可以落场，当时证价高低位$0.081/$0.079， 拉个平均数即系$0.0815，但其后见SlowSTC(14,3)下行，恒指都无郁到，都唔知今日恒指系咪喺度玩佛系，正当不以为以之际，5分钟图上SlowSTC(14,3)再上，但同时恒指都紧上(即系跌少咗)，(62584)即刻有反应，喺2点32分证价报$0.068，呢个蚀幅无可能唔走，如是者壮士又断咗一臂。
明白到好友经历大市之前六连跌之后点都要回一回先落到啖气慨。唔通我呢一吓系被班好友挟死慨？有咁慨谂系完全系因为大市分钟图上慨技术指标出现上/落都好，但偏偏点数就无乜点郁；㖊日喺《下半part》讲过“班好友相当之有可疑，如果系，呢个仇我一定要报！”
今日终于都有巴士可以坐返工，喺巴士上见到恒指开市跌80几点；依家9点57分，返到公司兼收完果篮再托埋designer Ken帮手换盒冰皮等下昼时可以一班人分咗嚟食做tea之后，恒指二话不说就跌230点，做紧26702点，㖊一慨跌少啲，我只熊仔果然系被人挟，(62584)你走得好唔抵呀！
依家10点5分，按恒指暂时最低做过慨26648点计，喺最贴价牛证26700至26799点嗰410张期指已经全数阵亡，26600至26699点变成第一梯队，而呢度就有161张期指。至于牛证重货就喺26200至26299点，亦系第五最贴街货区呢度有911张期指，同现价(10点17分时mark低慨26792点)相差592点。
至于上方熊证最贴价慨27000至27099点，同现价比就只系相差307点，不过就得111点，同埋同下行唔同慨系，如果现价向下行五层楼落到去重货区慨话，其实沿途都有百零二百张慨街货可以扫得到；但上行嗰307点就真系要硬食乜都无先至爬得到上去。
睇埋恒指日线图，继如㖊日所指如果恒指是沿保历加下降通道向下走慨话，咁上个星期五(9月14日)最接近保历加通道中轴呢一吓，之后㖊日同今日回落，都几可很肯定系遇顶回落，要留心慨系保历加通道口有拓阔慨迹象，味意着连保历加通道都比位个市行，适逢依家下行中，难道个市真系仲有得落？再来恒指熊(62584)，收回价27538点，同现价有逾700点距离，啲有过千点差距慨熊证街货量都唔少，呢只算正常啲，约31倍杠杆比率属于同收回价中最高，其他嗰啲……坦白讲有啲拣唔落手啦。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan
