今日要闻

铁探的黑警是蒋祖曼嘛 铁探最新剧情 铁探为什么不更新了

发布于:2019-04-26 来源:太阳网 作者:echo

更多娱乐、时尚搭配资讯 请关注爽报(微信公众号rmlvgl )

《铁探》蒋祖曼自爆角色隐藏秘密身份 漂染26次狂甩头髮
TVB重头剧《铁探》剧情愈播愈紧凑,剧中除咗有惠英红、姜皓文和黄智贤等演技派出演外,其实仲有位「独立电影女皇」之称、33岁嘅蒋祖曼(Joman)大突破首演黑帮阿嫂陆蔚乔!日前,Joman更大爆今次角色原来并唔简单,因为…
蒋祖曼首演黑帮阿嫂
近日,首次于《铁探》出场嘅蒋祖曼以一头Sharp醒淡紫色短髮出场,单係造型都已经够吸引观众眼球!Joman喺剧中首次挑战演黑帮阿嫂一角,同时亦係谷永正(梁竞徽饰) 前度女友,三人之间嘅感情线令人期待!
Joman入行至今超过十年,曾参演过大量独立电影拍摄,而且皆获得外界一致好评及讚赏。对于今次于《铁》有机会饰演黑社会大佬嘅女人,Joman亦坦言自己如愿以偿,皆因自剧集《警界线》后,多以著制服角色出现。
 
漂染26次狂甩头髮
今次Joman为咗可以更快投入角色,开拍前更特登到油尖旺实地观察。除此,Joman为配合角色造型,不惜真髮漂染,为咗个淡紫色髮型前前后后原来足足深咗26次
而且,Joman亦透露头髮先係今次拍剧真正嘅最大挑战,皆因为咗角色除漂染头髮,仲特登晒黑自己,对于一个爱靓嘅女仔嚟讲真係几大犠牲!
 
不过,唔讲大家可能未必留意,由于漂染头髮始终会因洗头而渐渐甩色,故连Joman都笑指唔知大家有冇留意到佢每次出场嘅髮色都有所不同喎!佢亦透露自己已经开始留返长啲头髮,可惜因漂染太伤头髮导致经常甩同断头髮,故留嚟留去啲头髮都係咁短!
 
另一方面,Joman喺剧中不时会被黑社会大佬江正龙(杨潮凯饰)当众掌掴及侮辱,然而原来陆蔚乔呢个角色嘅背景係比被打更可怜!皆因据Joman所讲,陆蔚乔细个已经係妓女,父母亦俾人杀死,身世可怜,所以为生存先会逼不得意哑忍一切!
 
自爆角色隐藏秘密身份
与此同时,唔少观众边追剧边猜测Joman嘅角色并唔係咁简单,认为佢有秘密身份。对此,Joman直言剧中身份的确唔简单,除咗係越南军官嘅养女之馀,亦唔係大家想像中咁软弱!不过,佢坚拒唔会剧透,想知嘅大家惟有继续煲落去啦~
 
想要了解更多八卦,时尚穿搭,时尚行业最新动态请直接扫码关注爽报YesDaily 公众微信号: rmlvgl ;

分享更多全球最新娱乐资讯。

 

相关文章

推荐阅读

    404 Not Found

    404 Not Found


    nginx

热门文章

    404 Not Found

    404 Not Found


    nginx