是开心还是失望 缺席有奖拿 薛凯琪直言好想去
发布于：2017-01-05 来源：太阳网
薛凯琪（Fiona）、郑希怡（Yumiko）同锺丽泣等今日晏昼到湾仔出席护肤品牌活动，Fiona早前帮品牌拍左个电视广告，佢话系咁多年嚟拍得最舒服嘅：「广告要求我打坐、做瑜珈、拉筋，做啲好relax嘅野，唔使chok啲好刻意嘅样出嚟。」
讲到噚晚举行嘅「十大中文金曲」颁奖礼，Fiona虽然缺席但仍获十优歌手奖，佢话：「系开心事，原本我好想去，但因为有其他工作撞左时间去唔到，噚晚知道有奖后我开心到大叫，一半系多谢港台，另一半系嬲自己去唔到。」
另外，同场嘅Yumiko就话o依家女女梁浸浸成日都会攞佢啲护肤品跟住搽：「佢见到我用羊又会跟住，试过攞左自己搽Pat Pat啲尿片膏搽到成面都系。」又话梁浸浸o依家学野好快，为免教坏佢，所以平日要注意言行举止。问到会唔会再追多个小朋友？佢话：「唔会咁快，系都祖儿先啦，佢好锡梁浸浸，成日嚟探佢，不过都系要等佢忙完先。」
