具惠善《新婚日记》大谈初吻 曝千颂伊主动亲吻安宰贤
发布于：2017-02-04 来源：太阳网
韩国女星具惠善同神剧《来自星星的你》饰演「千颂伊」细佬嘅男星安宰贤，于上年5月拉埋天窗，婚后两人不时放闪，相当幸福。两人早前更拍摄tvN真人骚《新婚日记》，攞正牌晒恩爱。
节目喺噚晚首播，具惠善及安宰贤除左大谈拍拖嘅事，亦展现出新婚夫妇嘅甜蜜。安宰贤更提第一次见到具惠善时就被电亲，觉得具惠善好靓，似乎系对老婆仔一见锺情。被问到两人嘅初吻，安宰贤就好怕丑地表示：「就喺具大人(具惠善)嘅车上，系佢做主动先。我当时谂『疯了吧』，就马上落车。」反而具惠善就大方回答：「佢一上车我就锡左佢。」
而具惠善更喺节目表现其直率嘅一面，就算喺镜头前都照放屁，洒脱魅力都获粉丝大讚。虽然《新婚日记》喺新推出嘅综艺节目，但节目系由打造tvN王牌综艺节目《一日三餐》嘅罗䁐锡导演製作，所以都相当吸引观众睇，具惠善及安宰贤嘅甜蜜日常生活更带挈节目高收5.6%收视率，成绩相当唔错。
