刘嘉玲、吴肇轩同谢君豪参演由新晋导演谭惠贞执导嘅电影《以青春的名义》，经过近两个月嘅拍摄，日前终于煞科。嘉玲戏中演老师，同吴肇轩发展一段师生恋，煞科当日，吴肇轩化身小粉丝向Miss送上电影《阿飞正传》海报，同时又攞签名，令嘉玲好惊喜。

吴肇轩话最爱嘉玲喺《阿》片中饰演嘅LuLu，呢次咁难得同偶像合作，吴肇轩话一定要表达「爱意」。吴肇轩拎住巨型欧洲版《阿》片嘅宣传海报，嘉玲见到即大叫：「哗，呢张海报比我仲要高。」嘉玲好奇系咁研究同港版海报有乜野唔同，跟住佢就喺海报签名，全程吴肇轩都含情脉脉，着晒迷咁。吴肇轩话呢张海报得嚟不易，由西班牙空运返嚟：「我喺老板手上将海报『唉』返嚟，仲以为西班牙版特别啲，点知嘉玲姐竟然见过，吓唔到佢。原本想送俾佢，但我谂佢应该有，所以我就请佢签名后，留番自己珍藏。」

吴肇轩大讚嘉玲呢位前辈：「起初以为佢嘅气场好强，相处后发觉佢完全冇架子，我的合作得好舒服，佢教左我好多拍戏知识，例如面对镜头嘅技巧等，非常感谢。同佢做对手戏压力唔大，反而呢个『搭档』令我有较大压力，始终嘉玲姐系演技成熟嘅演员，我都要出十二万分力先可以。」