余文乐与皮带大王王东生千金王棠云约会余文乐贴心霸气护女友

2017-02-10太阳网 > 娱乐新闻 > 78阅读0评论

文章>文章> 余文乐与皮带大王王东生千金王棠云约会余文乐贴心霸气护女友 78阅读0 评论

35岁嘅余文乐旧年被爆秘挞「皮带大王」王东生千金——王棠云(Sarah)，本身佢的密冚恋情，不过唔少心被朋友将聚会相放上网，曲线公开恋情。

公开认爱嘅乐仔，噚晚喺跑马地被《苹果》捕获，当时见到乐仔架波子泊左喺毓秀街啲咪表位，原来系同女友Sarah及一男性友人，一行三人去按摩。男友人先行离开，唔知系咪唔想俾人见到，所以佢的有大路唔行，反而穿过后巷去拎车。上车前乐仔睇完有冇食「牛肉乾」之后，再急步行去同帮女友开车门，见到男友咁体贴，已经好索嘅Sarah笑得更甜！

到晚上8点左右，乐仔揸住佢架战车，载女友由跑马地去到西贡布袋澳食海鲜，两人大约8点半落车到餐厅撑枱脚，就咁睇应该系熟客嚟嘅。两人叹左大约两个钟，到晚上9点45分左右先走人。

甫上车，天寒地冻，皮带大王千金好自然就挨实大大隻嘅乐仔取暖，烟韧如初恋。就喺淮备开车一刻发现记者，两人表情非常愕然，留左鬚man爆嘅余文乐即时瞪大对眼睥实，为保护女友霸气尽现。好不容易回过神来，乐仔就开车一支箭咁，载住千金女友离开喇。