网传陈小春出轨 应采儿微博回应撑老公
发布于：2017-02-13 来源：太阳网
陈小春背妻出轨？
日前大陆「全明星探」预告，将会喺周一(即今日)，爆出某男星疑似出轨。
今早，「全明星探」就俾左几个线索等网民估，唔少网民咬定「出轨男」，就系今年49岁、近年长期喺大陆掘人仔嘅陈小春。
「全明星探」提供线索如下：
1.男星家喻户晓。
2.隐婚隐生多年近年先俾人发现。
3.背著妻儿同神秘女子密会。
其实以上3点都唔算系乜贴士，更值得注意嘅系，第2点话呢个「出轨男」系隐婚隐生多年，但小春同应采儿喺2010年，喺拉斯维加斯注册，之后再喺香港迪士尼结婚摆酒，婚后二人生左囝囝小春子（Jasper），同「隐婚隐生」大缆扯唔埋。
虽然话「出轨男」系小春疑点重重，不过小春老婆应采儿，今朝晨早就喺微博自爆话：「听说我老公出轨了，10点预告？你相信吗？狗仔辛苦了……」
