Rain同老婆金泰希现身美国 推测两人二度蜜月
发布于：2017-02-13 来源：太阳网
韩流天王Rain同演员老婆金泰希上周被粉丝捕获现身美国，有粉丝推测两人二度蜜月。而噚日Rain及金泰希行街Shopping时再度引起粉丝死跟。Rain包到实晒咁拖住老婆行街，而金泰希就戴上黑超遮样，只见两人去到鞋舖，喺金泰希试紧鞋时，Rain就坐喺对面等老婆，唔知Rain有冇畀意见？
而美国音乐盛事、第59届格林美颁奖礼今日于洛杉矶举行，Rain受到好友邀请，更带埋老婆入场睇，又喺Instagram上载身处格林美现场嘅相。Rain嘅所属事务所就表示Rain及金泰希去美国系属于私人行程，具体安排无从得知，不过两人预计本周返韩。
