迪士尼早前宣布将旗下经典卡通重拍成电影版，不再是动画片，而系用电脑特技模拟动物神情动作，当然会讲对白添第一炮系下年上映慨“狮子王”（The Lion King），从预告片可以见到迪士尼将家庭动画变做大型blockbuster慨野心，片中特效迫真同细致程度，分分钟劲过Marvel英雄片，主角狮子森巴同一众动物像真度接近百分百，差啲以为万兽之王真系识讲人话！

而且配音阵容都好强横，搵嚟“被夺走的12年”Chiwetel Ejiofor，“贱邻”笑匠Seth Rogen，“星球大战外传：韩索罗”Donald Glover同天后Beyonce声演，几位本身都背得起票房，非常重本！

用返同一条方程式翻拍慨仲有“小姐与流氓”（Lady and the Tramp），呢套1955年慨动画，讲述被富裕人家饲养，生活优悠慨名种狗女士，一直都系主人心肝。之后因为主人做左父母，忙于照顾新生婴儿冷落左渠，再加上少少误会，夫人被迫离家出走。过程中偶遇流浪狗流浪者，发展出一段甜蜜到爆慨恋情，最后流浪汉仲跟夫人返左屋企，齐齐做有家的小狗。

流浪期间夫人同流浪者当然唔会一帆风顺，遇上坏猫又遇上坏人，仲差啲被人捉走。过程中遇到唔少狗朋友，有被遗弃而身处渔农处慨PEG，大大只慨公牛，咩狗都有！

以往真人加动画拍摄如“蓝精灵”，“加菲猫”成绩平平，照理“小姐与流氓”应该会以全真人拍摄。狮子都咁像真，拍狗狗应该易少少？我好期待睇真狗狗重演经典食意粉一幕！

“小姐与流氓”慨Lady会会由“雷神奇侠”女星Tessa Thompson声演，Tramp则由“星战”男星Justin Theroux负责，仲有喺“奇异博士”中好抢镜慨Benedict Wong帮公牛配音，单睇投都系一套奇迹级数大电影嚟喎！