欢迎光临爽报娱乐新闻 YesDaily.com




【轮证赢家】恒指牛陪追数

发布时间:2024-03-29 爽报 YesDaily.COM 201

上个星期五(8月24日)见中国平安(02318)遇高回落,执定只平安Put(18632)出嚟,已经谂住小注冷吼就算,不过下昼见平保由跌转升,再将策略进一步收窄至day trade就算,不过好彩都有惊无险,喺下昼2点半时见平保5分钟图SlowSTC(14,3)由高位回落,比多少少耐性,终于到2点55分时见SlowSTC(14,3)由高位杀到落去严重超卖,仲要keep住呢个低位去到收市,按呢段时间慨高低位($0.335/$0.31)拉个中位数$0.3325作为卖出价,对比上个星期五mark低慨买入价$0.315计,都叫做赚返个手续费。

今日见恒指开市升300几点,一大个裂口向上打,连条20天线(27889点)都收复埋,同步地即恒指现水平由此前慨保历加下降通道转返上去保历加上升通道,依家9点58分,恒指做紧27991点,升319点,最高暂时见过28053点。 开恒指牛熊证街货图睇,按恒指暂时做过慨高位计,第一梯队慨熊证28000至28099点嗰475张期指,已经有部分死亡,再对上一级28100至28199点,呢度就有1532张期指;再上多级到28200至28299点,呢度都有1073张期指,反正都踩到入屋啰,唔争在行多两步入房。

睇埋下方牛证先,最贴价慨系27500至27599点,呢度有300张期指,同现价比有400几点差距,今个星期四(8月30日)就期结啦,换言之个市如果要追数慨话就得番呢四日,恒指牛(59288),收回价27358点,杠杆吸引、低街货、成交活跃,喺一个捽数年代慨社会里面,就开只恒指牛陪吓个市追数啰。

作者阿珊,从事财经及投资版报道超过10年,由平面媒体走到网络世界,《钟摆战略赢港股》作者。相信技术分析,由窝轮到牛熊证无一不炒,唔贪心,志在揾餐下午茶。

电邮:[email protected];Weibo:#Gladyshan#


标签:  
0