【轮证赢家】牛证仲有重货喺度！
㖊日见到恒指个势咁强，真系有你无你将只恒指牛(59288)队落个市度先，临尾仲话一度升逾600点，只牛仔已经唔理佢咩位买、咩位走，总之就临收市前将所有牛证卖走，古语有云：袋咗落袋先至系钱；之后就安安落落逃离公司，闪咗上出版社度，唔好误会，我唔系再出书(写书真系好痛苦)，做人慨嘢，咩都试吓啫。
今朝起身准备出门口返工之际，我家老爷突然话：唔对路㖞，条隧道好似塞塞地咁；whatsapp我同事阿Jo佢话佢刚刚上咗巴士，但未入隧道就已经开始塞，于是变阵坐地铁+shuttle返工，结果我应该早佢一至两分钟返到公司，唔紧要，反正返到嚟同我平时个时间都系差唔多就OK。
同PR Chloe同旧同事Tom吹完一轮whatsapp之后，依家10点19分，恒指做28433点，升166点，比起今朝今嗌升逾300点少咗好多，未开图都知道今日系高开低走慨实心阳烛，不过今日再次裂口一弹，最高见过28579点，同埋保历加通道顶28720点只系争141点。假设今日弹升300点后收窄到依家100零点，然后听日再发力弹多100零点，弹穿埋条保历加通道顶慨话，呢件事对依家个市嚟讲真系一都唔难，反正日线图上技术指标都只系企喺中轴水平。
再睇埋恒指牛熊证街货图，以恒指暂时做过最高位慨28579点计，先系28300至28399点，同埋28400至28499点呢1485张期指已经死亡，而28500至28599点呢480张期指里面都有八成街货死亡，某程度上都可以视28600至28699点为第一梯队慨熊证街货，而呢度依家就只系248张期指；但对上两级100点，即28700至28799点，同埋28800至28899点，夹埋就有成1448张期指；系呀，又系一个过千点慨重货区，如果后市先上28700至28799点呢度，即系话今日见慨保历加通道个顶就已穿咗；假设后市再上，整条保历加通道顶中底都向上移，咁大市再食28800至28899点街货时，好可能系顶住条保历加通道顶，或者再次穿多一吓咁解。
仲咩有股份推个市上去？继腾讯(00700)同平保(02318)之后，你望吓财经月历，今个星期有啲咩股份排住队等讲业绩？系呀，咪就系内银股啰！四大行推个市上去有何不可？更何况依家只系讲紧推多200零点慨事。恒指牛(59410)，收回价27752点，市场上见系最贴慨贴价慨牛证，但讲紧同现有逾600点差距，高杠杆兼成交活跃；见依家恒指升幅进一步收窄，5分钟图见SlowSTC914,3)开始由中轴起步下行，再等多阵都未迟。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan
