欢迎光临爽报娱乐新闻 YesDaily.com




【轮证赢家】冷吼平保Put

发布时间:2024-03-29 爽报 YesDaily.COM 215

话说今日lunch将会同我亲爱慨data provider Zoe食,佢顺便介绍个新美女Sales比我认识,作为佢老友慨我又确实系无可能“两梳蕉”去见人架嘛,于是一返到嚟公司就打比Miss marketing帮我开佢哋个仓摷礼物。

摷完一大餐之后,执好两份嘢再开返中国平安(02318)同中国移动(00941)睇,点解睇呢两只?事关㖊日系<下半part>时见个市闷闷地,就捉啲个股出嚟,唔食都睇吓嘛,结果就被我揾到呢两只超买到准备钟摆掉头慨个股出嚟,放定入去个“待put list”度。

先开中移,哗!一个大裂口由㖊日收市慨$75跌到落依家(9点56分)见到慨$72.95,日线图上SlowSTC(14,3)%K线(76.534)明显高位跌穿%D线(78.457);14RSI由㖊日慨68回落到依家慨54.444,呢个幅度确系大,亦无谂到今日明明见到外围造好,恒指开市时都仲升117点,到依家先到由升转跌,但中移一开市就挞生鱼咁挞咗落去。拆开5分钟图睇,中移今日大裂口向下之后,SlowSTC(14,3)同步由高位抢返落去,至依家(10点5分)落到两线都处于个位数水平,若然博中移继续下行慨话,呢个绝对唔系一个靓位,建议都系比啲时间佢回一回气先。

至于平保个走势同中移完全相反,今朝随大市裂口向上,暂时高位见过77.1元,日线图上平保(10点7分)暂呈“十字星”,而SlowSTC(14,3)两线都上到“9”字头,“十字星”有待变慨味道,同时见SlowSTC(14,3)两线严重超买时,相信呢只可Put性比中移更高;再加上14RSI近呢半年来再次见70以上水平,平安熊(64167),收回价80.8元,同现价有逾5%距离。不过,都系嗰句,个股轮证,仲要系买淡慨方向系比较冷门,所以都系小注为上。

(点解冷门?我估大概系大多数人都钟意见到个市升多过跌挂)

作者阿珊,从事财经及投资版报道超过10年,由平面媒体走到网络世界,《钟摆战略赢港股》作者。相信技术分析,由窝轮到牛熊证无一不炒,唔贪心,志在揾餐下午茶。

电邮:[email protected];Weibo:#Gladyshan#


标签:  
0