与百亿阔少感情稳定 蔡卓研﹕顺其自然
蔡卓妍（阿Sa）、徐天佑、黄又南同卫诗雅等今日喺尖沙嘴太空馆电影《再见UFO》出席开镜。日前先喺美国洛杉矶出席完锺欣潼（阿娇）慨Per Wedding派对后就即刻返嚟开工，佢话：“已经十几年冇嚟太空馆，细个好钟意嚟呢度个剧场。”
讲到今次套戏以UFO为题，佢话：“真实冇见过，但成日听夏韶声讲觉得好好听，我亦相信真系有UFO存在，好想见吓。”阿Sa又话自己好沉迷历史同古迹：“我好钟意睇金字塔、罗马斗兽场同秘鲁马丘比丘，我以前同阿娇都成日话想一齐去百慕大。”
但阿娇o依家要陪老公，应该唔得闲理你，阿Sa话：“唔会，佢唔系咁慨人。”而阿Sa与“麻雀大王”后人兼百亿阔少石恒聪(Anthony)感情稳定，系咪结婚渡蜜月时一齐去？佢话：“到时再算啦！”讲番阿娇喺派对上亲手将花球交俾阿Sa，系咪想你快啲嫁？阿Sa话只系意头，当时完全冇谂过去抢：“当时场景好奇怪，容祖儿一路喺后面夹住我，郑希怡就喺远处望实，两个好似夹定咁，不过过程系好感动。”
睇嚟姊妹们都看好系下一个嫁？阿Sa话：“唔好咁讲，顺其自然啦。”因为要出席阿娇慨派对而错过左男友慨正日生日，阿Sa话会食饭补祝，而且仲一早送左礼物俾男友。
至于天佑同又南称今次系继《这个夏天有异性》后，相隔16年再次同阿Sa喺电影上合作，其中天佑喺戏中就同卫诗雅饰演一对，而且仲有激情戏，天佑话：“原本冇?，因为套戏系讲80年代情怀，以为会纯真啲，但导演后来同我讲需要加一场激情戏。”卫诗雅话剧本对呢场戏慨描述唔多：“以我慨经验，咁样讲即系想像空间好大，剧本文字描述得愈少就愈激。”
天佑续说：“导演仲问我有冇得操吓肌肉，讲到好似随时要除衫咁。”反而又南就要为剧中角色减磅，佢直言会尽减：“为减磅已经两日冇食野，净饮斋啡，依家有出冇入，有啲胃痛添。”
?来源网络
? 商务QQ：1900556960
