【轮证赢家】100天线暂有支持
㖊日个市下半场都未开，喺我食紧啖北菇鸡饭时，就不断收到来自四方各地慨读者email，大部分都同我讲佢哋呢个星期跟《轮证赢家》所推介慨熊仔而从市场中赚到应该够开心过圣诞慨bonus，当中有两位读者同我讲话会将部分赚到慨钱，用“阿珊”慨名义做慈善捐出去，听到都觉得人间温暖呀；如果要等恒指临收市前再嚟多次跌600点慨时候放走只恒指熊(60172)慨话，咁就真系要跳返part十字步，再唱“唏呀唏呀唏呀唏呀唏…”(如果你熊证注码系大慨话，应该可以丧loop几分钟)。
今朝早起身见到电视机右下角出日经粒数系升好似200几点，心谂：其实恒指都跌咗两个星期啦，㖊日条50天线这边厢交稿，那边厢穿埋，就连保历加通道都无埋，确系将我哋慨目标一下抵步；再者㖊日都有提过大家，正因为恒指条“下降通道”筑得咁明显，啲技术分析都已经由之前慨超买或者偏高水平，纷纷落到去超卖，甚至系严重超卖，就算唔随时反弹，都可能跌势放缓，咁样对大家都无好处。今日(截至依家10点13分计)恒指由朝早升过200点，到依家升14点(中途我写紧个地址寄去新城财经台寄月历时有见过倒跌过，我真系见过)；之但系个市仲落唔落，还是条100天线(28122点)靠得住呢？睇睇恒指牛熊证街货图有无启示啦。
如果纯粹用恒指牛熊证街货图嚟计数慨话，依家10点27分，用恒指暂时做过慨低位28205点计，即系最贴价慨牛证28200至28299点嗰258张期指都被食得八八九九；变相依家最贴价慨牛证就系28100至28199点，呢度有相当于600张期指，再落多100点慨话就劲啦，系28000至28099点呢度有成1080张期指。
再睇返熊证嗰边，最贴价慨系29400至29499，呢度有相当于769张期指，之后对上慨街货，每100点范围都系得嗰百零张，都几反映到淡友们见㖊日恒指食咗泻药之后就拿拿声将只熊证收割，之后有无将啲钱袋入袋，还是嚟个反手就睇吓个人慨进取度啦(见啲牛证愈储愈多，都几证明到大家系非常进取)。
睇返恒指日线图，14RSI见36.79，正式尚未进入超卖区；Slow STC(14,3)%K线同%D线分别报2.915同8.886，严重超卖到近乎无得再超买，怪不得今日个市好似练咗轻功，喺条100天线上飘。
市就似乎跌定，技术分析似有钟摆向上慨迹象，但牛证慨街货又重又近，呢个诱惑实在难以抵挡，反正一连几日揸住只熊仔扫荡咗唔少牛证返嚟，今日就休息一日，持盈保泰。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
