【轮证赢家】恒指或要抖一抖
发布时间：2026-02-11
爽报 YesDaily.COM
203
各位早，超级的早，距离开市仲有约3分半钟我已经坐系公司斟埋杯水打紧只稿，原来返9点半系北角转车系要等三班先上到车(可能你会觉得我好彩，三班就上到)，依家恒指做完U盘，开报升80点，做30895点；室外气温应该得15至16度，今日lunch后话会开始转冷，除咗对住个同楼市一样“只升不跌”咁样慨市要小心之外，出街都著多件衫，拉返条拉链。
好啦，搭正9点半开市，不如见睇睇牛熊证街货图先啦。上方熊证最贴价慨系30900至30999点，呢度有相当于342张期指，开得1分钟都未够，暂时都仲见到恒指高位开市。依家足9点47分，对住三位大佬开会时见到恒指最高做到30929点，换言之最贴价个堆熊证已经全数死亡，变相31000至31099点呢度成为最贴价慨熊证，而同时呢度有成1085张期指，亦系熊证最重货慨范围，最重货又咁近，乜你觉得个市唔会食埋呢堆货咩？
至于下方牛证，最贴价慨系29800至29899点，呢度有相当点人点542张期指，不过同现价都有成十万八千里咁远。
返番去恒指日线图睇，啲技术指标一早已经上到去严重超买，就算再买上去食贴价加重货熊证，如是者都等一等个市，睇睇系咪会回一回先至再追上去，财不入急门呀。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
