【轮证赢家】恒指走到“长方形”顶
仲记得2月头冻到傻，走去电器铺同人抢暖风机买，开咗三日之后天气回暖；到前两日又无啦啦落毛毛雨，感觉又有少少凉。今朝睇电视，天文台又话下个星期温度又会上升，呢啲又冻又暖慨天气，同恒指呢五日梅花间竹、日升日跌一样，两个字讲晒：“玩死”(你钟意系中间加多个字都得慨)。
单计呢五日恒指粒烛嚟睇慨话，20天线(31407点)同50天线(30900点)好明显夹住恒指个势，仲开始生咗个“长方形”出嚟；被条20天线顶住又即系话依家仲处于保历加下降通道，但已经由个底慢慢上返到中轴咁解。转个黄金比率(Fibonacci)出嚟睇(无错，呢个图系我又揾我哋个Designer Priscilla帮手画慨)，由今年1月29日高位33484点向下度到上年12月7日低位28134点计，又咁啱计到0.382(31440点)同条20天线只系争33点，几乎重叠咁滞；至于0.5(60809点)同50天线都只系相差91点，怪不得个市被呢两条线夹到实一实。
无他慨，正所谓：“顶就用嚟破，底就用嚟托”，虽然几时破同破唔破就无人知，依家10点51分，mark底恒指做紧31320点，最高暂时见过31386点，用呢个位嚟计慨话31200至31299点，即系最贴价慨熊证就已经全数死亡，呢度只系有27张期指存在啫，而恒指踩入慨31300至31399点呢度，就得8张期指咁大把。至于熊证重货区就系31500至31599点，呢度有相当于894张期指，如果大市上到得呢个位而食晒呢part期指慨话，就系即个市会升穿条20天线啦。
再睇睇下方牛证，最贴价慨系30400至30499点，呢度有1778张期指，系就系重货区，但同现价比慨话都有成920点慨差距，万一个市宁愿远征都要向下冲食重货嚟讲，即系先跌穿条50天线之余，仲要穿埋条10天线(30546点)先安落。
咁远水路...嚟紧又有重磅股公布业绩，除非腾讯(00700)无钱赚啫，否则暂时都未谂到要山长水又远咁向下行慨原因/借口。按大市Chok过林峯嚟讲，开Call比较稳健，宜选贴价、中期Call轮，博一下子由价外变价内慨爆炸力，将轮价炸上去。
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]
