【轮证赢家】比啲耐性....
哗！唔知各位今朝5点几嗰时有被雷嘈醒？我有，仲吓到成个弹起咁滞，起身闩好啲窗之后再瞓过，闹钟一响再望望电话，有个message㖞，心谂：唔通黑雨？开嚟一睇，顶！“Amber Rainstorm Warning Signal was cancelled”唉...
上个星期五(8月17日)有点过只汇丰控股(00005)出嚟睇，事关贪佢日线图上慨SlowSTC(14,3)出现严重超卖，不过都补多枪叫大家叫心，因为SlowSTC(14,3)绝对可以超卖再起卖，%K线同%D线慨数值绝对可以喺“零”，汇丰Call(24987)唔好心急落场。
结果今日恒指今朝早开升60点之后，依家9点57分，恒指一度升逾200点，依家就做紧170点，做紧27383点，就真系唯独是汇控玩斯人独憔悴”，70元失守。若然拆开5分钟线，就见到上个星期五下昼2点30分，SlowSTC(14,3)曾经出现过超卖，不过之后由超卖弹返上下昼2点50分至3点5分慨60以上水平时，汇控股价其实系无郁过咁滞，咁慨情况都知有伏，既然一开始就告戒咗唔好心急落场慨话，咁喺临收市前20分钟再见SlowSTC(14,3)出现超卖时就更加唔应该落场。Even到今日，汇控都仍然喺个watch list度就算啦。
汇控未有得玩就望吓大市有咩好玩啦，依家10点4分，恒指做紧27209点，开埋恒指牛熊证街货图出嚟睇，上方最贴价慨熊证喺27900至27999点，呢度有相当于667张期指，同现价比仲差成709点见食到，但绝对唔系重货区；下方牛证最贴价就系26800至26899点，呢度有1974张期指，呢度先至系重货区，讲紧慨系牛熊两边比较之下慨重货区，同现价比就差409点先可以食得晒。
咁样秤之下当然会觉得下行点数少、期指多，所以应该选择下行啦；但留意返，其实不论上定落，点数差距都唔细，讲紧下行都要409点，你谂吓，单系个市无啦啦郁400点，你估做新闻个班会唔会做个半死？预期博个市再冲，倒不如相信佢等多啲新慨贴价证出街，再储多啲又近啲慨货，先至再食多次好过。
作者阿珊，从事财经及投资版报道超过10年，由平面媒体走到网络世界，《钟摆战略赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；Weibo：#Gladyshan
放大图片
